Dening : Zulfa Syarafina Faizah/IX-A

     Tanggal 22 Desember 2024 aku lan kanca-kanca kelompok yaiku Nesha, Sani, Talitha, lan Shifa rembugan nggawe tugas drama nalika preian akhir taun. Amarga aku minangka sutradara dadi aku kudu nentokake dina lan tanggal kanggo nindakake tugas kelompok gae drama. Aku takon salah siji anggota kelompok, yaiku Nesha kanggo gawe drama ning omahe, awale aku takon dina lan tanggal pira dheweke bisa nindakake syuting drama, wangsulane Nesha dina Rebo isane. nanging wektu iku aku takon isih dina senin, aku sing salah mengerti akhire senen bengi aku ngongkon kanca-kanca liyane ing grub, supaya gawe drama ing omahe Nesha dina Selasa. Aku sing ora maca pesene Nesha kanthi ati-ati lan rinci, akhire dina selasa aku lan kanca-kanca menyang omahe Nesha, jebule sawise tekan kono aku salah dina, aku lan kanca-kanca padha isin amarga kesalahanku sing ora maca kanthi rinci.

     Aku lan kanca-kanca akhire pamit mbalik mulih ing omah dewe-dewe lan ora sido syuting nggawe drama. Sesuk e dina rebo, aku lan kanca-kancaku mbalik mara ing omahe Nesha kanggo gawe drama. Teka ing omah e Nesha jam 9, ing kana aku lan kanca-kanca mulai nggarap drama siji-siji, sing diwiwiti saka nggawe adegan 1, nanging ana adegan sing diliwati amarga ana salah siji kanca sing ora isa teka yaiku Shifa. Pas enek salah siji kanca sing ora isa teka aku lan kanca-kanca liyane bingung amarga hp sing digawe syuting, hpne Shifa sing ora isa teka. Akhire aku lan kanca-kanca nyoba telpon, aku takok marang Shifa,"Shif, sampeyan tenan ora iso teka ta?", Shifa wangsuli, "ora, aku ora ana sing ngeterake." Amarga omah e Shifa adoh aku lan kanca-kanca ora ana sing wani jemput. Akhire keputusane malih gae hpne Sani kanggo syuting. Nalika syuting drama, akeh kesalahan sing kudu dibaleni maneh kanggo nggawe video drama, ana sing nguyu, ana sing bingung kudu kepiye, ana sing durung ngerti dialoge lan liya-liyane.

     Saliyane iku, awake dhewe uga kudu ngganti sandhangan kanggo adegan liyane sing beda dina. Awake dhewe uga mubeng-mubeng golek panggonan sing pas kanggo syuting nganti teka pinggir kali, akhire aku lan kanca-kanca syuting ing pinggir kali karo ndelok pemandangan lan banyu mili sing ana ing kali. Sawise nggarap drama nganti adegan 5, awake dhewe leren ngombe es teh ing omahe Nesha lan mangan mie ayam sing porsine akeh lan enak, wektu kuwi hawane panas banget dadine seger tenan ngombe es teh bareng karo mangan mie ayam sing enak.

     Nganti jam 1 awan, akhire rampung nggarap tugas drama, awake dhewe banjur mulih pamitan karo Nesha lan ibuke. Sawise pamit aku lan kanca-kancaku rumangsa lega amarga tugas drama wis suda lan mung kari sithik. Senajan ana akeh kesalahan lan kedadeyan lucu sajrone syuting, awake dhewe seneng karo proses kasebut. Sorene aku ing omah nyoba ngedit videone sithik-shitik, aku seneng karo hasile sing wis apik senajan isih ana adegan sing durung mari lan durung syuting amarga dina seng ora tentu kanca-kanca kabeh iso. Pengalaman sing lucu pas libur akhir taun yaiku pas salah dina kanggo syuting mara ing omahe Nesha. Akhire saka pengalaman kasebut, aku oleh pelajaran manawa kita kudu mriksa informasi sadurunge nggawe keputusan, lan kudu konfirmasi maneh sadurunge menehi informasi wong liya.