Dening : Salma Kumala Sari Pasha Riesyani 9A

Libur sekolah wes teka, aku seneng banget merga bisa istirahat ing omah. Sekolahku mulai libur tanggal 23 Desember 2024 sampe tanggal 1 Januari 2025. Selama liburan iki, kegiatanku luweh akeh ing omah ketimbang dolan. Jam 5 aku tangi, bar kui langsung wudhu lan solat subuh. Mari solat subuh aku ngerapekne panggonku turu. Dilanjutne sakwise aku resik resik omah nyapu, ngepel, isah - isah lan ngewangi ibuk masak ing pawon. Kadang aku ngewangi ibuk setrika klambi lek pas wayah aku ndak enek kegiatan.

Biasane sekitar jam 9 utawa jam 10 an kegiatanku dolanan hp ndelok film karo rebahan. Sore jam 3 aku ngeterne adikku budal ngaji, karo ngenteni adikku mulih aku ing omah isah - isah piring, lan nyapu kamar. Jam 5 ibukku ngongkon aku nyusul adikku, "Sal, adike susulen wes arep mulih yahmene," perintah e ibuk. "Enggeh buk," wangsulanku marang ibuk.

Senajan liburan iki aku akeh ing omah tapi kadang aku dijak ibukku dolan menyang omah e mbah ku. "Ayo Sal, sok dina minggu dolan menyang omah e mbah uti," ajak e ibuk. "Ayo buk," wangsulanku marang ajak e ibuk.

Tanggal 27 Desmber omahku enek acara yasinan, dadi aku ket isuk sampe sore ngewangi ibuk blonjo, masak, nata kursi lan lian liane.

Tanggal 28 Desember isuk jam 7.30 aku budal ing sekolahan amarga enek keperluan. Sore aku dijak kanca - kancaku bakaran. "Ma, ayo melu bakar - bakar ing omahe Erina," ajak e kancaku. "Ayo aku melu," wangsulanku ing kancaku. Aku budal teko omah jam 5 sore. Aku lan kanca - kancaku bakar - bakar sate, lan sosis. Sekitar jam setengah 9 bengi aku lan kanca - kancaku muleh menyang omah.

Dina sabtu lan minggu biasane aku dijak metu ibuk ing Tulungagung dingge ngeterne pesenan jamu ing warung. Muleh ngeterne jamu ibuk nawani aku, "Sal, pengen tumbas maem opo jajan?" takon ibuk ing nggonku. Akhire aku muni, "tumbas maem bakso mawon buk," ujar ku.

Sakdurunge sekolah melbu aku ora lali tuku peralatan tulis blokane pensil, penghapus, pulpen, setipo, penggaris, buku, lan kebutuhan sekolah liane. Selama liburan iki aku ndak dolan adoh, aku luwih milih ing omah ngewangi ibuk lan bapak. Selain kui aku ing omah bisa dolanan hp ndelok film sing tak demeni karo iso rebahan. Senajan aku liburan akeh dolanan hp, tapi aku panggah tetap ngewangi ibuk lan bapak ing omah, lan ngewangi jogo adikku. Aku demen liburan iki amarga aku bisa nglakoni kesenenganku, iso santai merga ndak enek tugas sekolah sing numpuk akeh. Tapi, libur sekolah aku panggah nyempatne waktu dingge sinau. Bar solat maghrib biasane aku ngaji disek, bar kui noto kasur, karo noto klambi ing lemari.

Bengi sakdurunge turu, aku solat isya disek, sakwise kui dolanan hp sampe jam 9. Minggu isuk aku ngajak ibuk ing CFD, "Buk, ayo sesok isuk ing CFD golek jajan," ajak ku. Ibukku nyauri, "Ayo.., budal saiki ae,"

Tanggal 30,31,1 aku ing omah wes ndak metu ing ngendi - ngendi amarga wes arep melbu sekolah tanggal 2 Januari 2025. Aku nyiapne buku - buku dingge sekolah karo peralatan tulis liane. Sepatu ku tak kumbah pas libur supaya pas dingge sekolah iso resik. Aku seneng liburan ing omah bareng keluargaku.