Ora bisa dipungkiri yen preian sekolah minangka momen sing paling ditunggu-tunggu para siswa. Amarga bisa ngaso sawise sibuk karo pelajaran lan tugas rutin nalika sekolah.

Prei taun anyar wingi, aku ning omah karo kulawarga, "Nduk, taun anyar iki nda usah ning ngendi ngendi ya amarga cuacane elek lan mesti rame lek wayah taun anyar ngeneki," ujare ibuku, "Nggih bu," wangsulku.

Nglampahi preian taun anyar ing omah bisa dadi nyenengake. Rutinitasku nalika prei yaiku ngrewangi ibu ngumbah piring, ngumbah klambi, lan ngresiki omah. Aku uga ora lali karo tugas-tugas sing diwenehke saurunge prei, salah sijine tugas seni budaya, yaiku nggawe bingkai saka bahan bekas. Bingkai sing digawe saka kardus, koran lan kertas bungkus kado sing wis ora digunakake maneh. Kajaba iku, aku uga nindakake pasa Rajab, diselang-seling karo mbayar utang pasa Ramadhan.

Sorene aku lan kulawarga ribet nyiapake bahan kanggo panggangan kayata sosis lan bakso, sakwise nukokne panganan digawe panggangan aku lan dulurku tuku pop ice rasa doger. Kejaba iku, jebule budhe lan pakpohku gawe mi ayam sing enak banget. Mlebu wayah isya' aku lan dulurku nggowo peralatan sing uwis disiapne kawit sore kemau ning omahe mbah uti. Sawise rampung nata peralatan diengge manggang aku lan dulurku mulai manggang bahan-bahan sing wis disiapke aku lan dulurku bingung kepriye carane bakar panganan, "Kene Nduk tak warai," ngandikane pakpohku, "Oh nggih poh," kandhaku menyang pakpoh. Sapisan mateng baknu tonggo-tonggoku uga mulai teka. Rumangsa panganan sing uwis dibakar kui mau ora cukup, aku lan dulurku mula banjur bakar maneh. Kanthi diewangi budheku, nyiapke saus barbeque dicampur karo irisan bawang bombay, brambang, lan kecap diengge bumbune. Lan nyunduki saus lan bakso ing tusuk sate. Aku ngenteni jam rolas bengi, supaya bisa eruh lan krungu suwara mercon. Sawise rampung imberesi peralatan diengge manggang, aku ditelpon ayah dikon mantuk mergo uwis wengi lan hawane nyelot sui adem. Teka omah aku ora langsung turu, nanging resik-resik dhisik. Sedurung turu aku lan ibuku omong-omongan babagan apa sing dikarepke bakal ditindakake ing taun 2025. Sesuk esuk aku tangi kawanen amarga pas aku ora sholat. Dino pisananku halangan rasane teng loro. Setengah dina aku turu kanggo netralne awak amarga aku pas ora sholat. Banjur kui, aku tangi lan nindakake kegiatan sing biasane tak tindakake minangka adus, ngewangi ibuku resik-resik omah, umbah-umlah piring lan klambi, uga ngewangi masak.

Wayah magrib aku nyepakne pelajaran diengge sesuk sekolah, karo nyambi garap tugas pigura seni hadaya, Jam wolu aku lan kulawarga nyediakake family time, karo nonton film ing ruang tamu. Sawise setengah jam nonton film, ayah lan ibuku milih turu dhisik. Sauntara kuwi aku lan sedulur-sedulurka terus ndelok film, "Mas Mbak ayo turu uwis wengi," kandhaku, "Iyo, ayo laknu, wangsulane mbakku. Sawise film rampung diputer, aku lan sedulurku loro banjur turu. Nanging, sadurunge turu aku kudu ngreseki awak dhisik. Sawise rampung ngresiki awak, aku wiwit turu kanthi mateni lampu ing kamarku.

Iku mau critaku liburan taun anyar bareng kulawargaku sing nyenengke. Kanggo taun 2024 matur suwun banget, sanajan dudu taun sing paling apik aku belajar akeh. Pangarep-arepku ing taun 2025 dadi luwih sehat, pinter, lan kuwat ngadhepi alangan apa wae.