Iki Kegiatan Liburanku
Dening: Nesha Anja Maulida/IX-A
Dina Selasa, awal aku ngawiti liburan. Aku ngawiti teko adus lan sarapan. Aku bingung arepe nyapo. Amarga dina-dina wingi aku mung ing omah wae, dolanan HP lan turu iku kegiatanku. Ora enek udan, ora enek angin dumadakan pas dina Selasa iki bu lekku teko. "Ayo metu mubeng mubeng golek jajan," ujar bu lekku, “Nggeh bu lek sekedap kulo siap siap riyen,” jawabku. Atiku seneng amarga isa mlaku-mlaku metu, ora nek omah wae. Sak wise iku, aku cepet-cepet langsung siap-siap. Akhire aku lan bu lekkku metu ing jam 10.30, nganggo motor kesayangane bu lekku sing rupane putih kecoklatan iku. Sak wise mubeng-mubeng, tibake bu lek ngejak aku nek alun-alun kanggo ketemu kanca wadone. Kancane bu lekku wes nunggu, akhire awake dhewe omong-omongan lan ndak krasa kira-kira awake dhewe nek alun-alun wis sak jam. Sak bare omong-omongan dawa kuwi maeng, akhire awake dhewe mubeng-mubeng golek mangan sing dikepingini amarga wis luwe.
Eruh-eruh kancane bu lekku kuwi maeng tertarik karo salah siji tempat makan ing pinggir dalan. Amarga wis luwe akhire awake dhewe nyoba mangan ing kono. Tempat makane jenenge Seiko, mirip karo nuansa tempat makan Jepang. Menu makanane menu makanan lokal. Senajan saweto ya enek menu luar. Pas mrana iku enek menu promo natal kanggo menu utamane yaiku bakmi. Amarga aku sek pisan iki mrana, aku mesti kepingin nyoba menu utamane kuwi maeng. Ora suwi suwi sekitar 10 menitan pesenanku teko. Aku pesen bakmi lan minuman matcha. Pedes, asin, lan gurih rasa bakmine. Legi lan seger rasa minumane. Sak wise iku awake dhewe mulih. Senajan mung ning alun-alun lan golek jajan, tapi atiku seneng amarga ora mung ning omah wae doalanan HP.
Sesuke, yaiku dina Rabu tanggal 25 Desember 2024 kanca-kancaku mara ing omahku amarga awake dhewe janjian arepe syuting drama basa jawa. Kelompokku yaiku Sani, Shifa, Talitha, lan Ulfa. Ulfa minangka sutradarane teko dhisik dhewe sekitar jam 09.00, karo ngenteni sing liane teko aku omong-omongan dhisik karo Ulfa. Sak wise iku ora suwi-suwi akhire Sani lan Talitha teko. Awake dhewe omong-omongan maneh karo ngenteni Shifa teko. Ora suwi Shifa ngabari lek dheweke ora isa teko, amarga ora enek sing ngaterake. Akhire awake dhewe teko personil sak eneke tetep nggae drama.
Awake dhewe syuting wiwit pertama sing latar belakange iku dalan cilik cedhak omahku. Syuting sak adegan ora isa sekali dadi, kudu bolak-balik nyoba lan benakne sing kleru- kleru baru isa dadi sak adegan sing pener lan dikepingini. Adegan selanjute iku milih latar belakang njero omahku. Ulfa minangka sutradarane nyetel panggonan meja lan barang-barang supaya isa pas. Sampek adegan terakhire iku milih latar belakang pinggir kali cedhak omahku. Ing pinggir kali iki akeh uwong dodol, dadi rame. Tapi bocah-bocah sepakat nggoleki panggonan sing sepi supaya luwih maksimal syutinge. Sak uwise kuwi ora krasa awake dhewe syuting wis enek 3 jam punjul. Akhire awake dhewe milih leren sedilut. Sak bare leren awake dhewe mangan mie ayam. Ora suwi teko kuwi cuacane mulai mendung. “kayake iki arepe udan,” ujar Ulfa, “kayake kok iya,” jawab Sani. akhire bocah-bocah sepakat syuting di rampungne. Lan bocah-bocah pamit mulih amarga selak udan. Bener wae tibake ndak suwi bar bocah-bocah mulih udane mulai ceblok, lan aku lega amarga oleh kabar bocah-bocah wis teko omah ora keudanan.
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
wawwwww ada akuuu