Liburan semester ganjil wingi aku ngeterne manten adik ponakan ku neng mojokerto. Ngeterne manten wayah dino sabtu.

Wayah jumat e, aku ngewangi bulek ku siap siap. Mulai teko gae roti, gedang goreng lan ngudek wajik. Aku ngudek di ewangi manten lanang seng sesok budhal, adik e lan ibuk ku. Ngudek wajik kudu sekitar 1 setengah sampek 2 jam, dadi kudu gantian lan nggae kerjasama.

Wayah neng budhal neng Mojokerto bapakku, manten lan wong tuwo ne budhal luweh disek amergo arep ijab disek. Aku lan wong-wong kang dikongkon ngeterne budhal luweh awan. Aku sak kendaraan karo adik e manten seng wayah teko jembatan kali Brantas medok kanggo ngeculne pitek lan bakar dupa. Aku tekok wong tuwo neng sandeng ku, “enten nopo kok bakar dupo?” Wong e jawab, “kui dingge nyuwun kelsametan marang gusti, ben kabeh diparingi kelancaran mangkat nganti mantuk engko.”

Akhir e teko neng gon e mantenan. Rombongan teko Tulungagung sek ngenteni neng jobo amergo adat e Tulungagung karo Mojokerto enek seng bedo titik. Aku tekok bapak-bapak neng sanding ku, “iku dingge opo lo pak kok enek perabot pawon koyo panci, wajan, sotel, ceret lan sak panuggalan e ditaleni neng pring karo kok enek pitik-pitikan?” bapak-bapak e jawab, “ora eroh le... kui adat e kene, awak e dewe manut ae.” Bapak-bapak seng tak tekok i kui dikongkon ngangkat perabotan pawon karo ngiringi manten e. Aku kebagian gowo belimbing sak tas karo mbaku gowo wajik sak loyang.

Wayah wes mlebu, kabeh rombongan di suguh i jajan koyo usus goreng, jenang, wajik, opak rambak lan sek okeh neh. Aku sak mejo karo mbak ku lam ibuk ku, seng wayah e karo wong lanang-lanang aku malah karo wong wedok mergo acarane wes lekas aku ga iso ngaleh. Neng mejo ku jajan e disek dewe entek e. Padahal acarane sek tas lekas, perwakilan seng masrahne ko Tulungagung urong omong. Dadine adah e di ijolne karo mejo sanding ku. “mbah saget ijol jajan e? Sampun telas riyen hehe.” Omong e mbak ku. Mbah e muni, “iki nduk, sek lekas kok wes entek lo, luwe opo seneng?” Wayah delok menu neng sandeng ku enek 4, yaiku rawon, soto, bakso lam sego pecel aku karo mbak ku ngerencanaake sesuatu. “mbak engko jikuk soto disek yo, soto ne di dekek ne barno jikuk bakso.” Ajak ku. Mbak ku jawab, “kenek.” Malah tibakno kabeh yo podo ngono, paleng mergo wes luwe perjalanan 4 jam.

Sak durung e maem, enek adat seng nggae perabot pawon maeng. Perabot seng dicantolne maeng di dekek neng ngarep e manten, manten e kon jikuk 1 sembarang. Sisane di jikuk wong rewang tapi rebutan neng ngarep e manten. Seng wayah e wong rewang seng jikuk, wong mejo ku bodo ngejak jikuk. “Pin, ayo jikuk kae, menowo oleh ceret.” Ngejak e mbak Ani. Mbak ku jawab, “ Ayo kenek di ngge ibuk.” Wayah wes di itungi “Siji...Loro....Telu...” mbak ku langsung mlayu dewe nyandak barang sak kenek e, mbak Ani malah ga sido mlayu. Mbak ku oleh jebor karo serbet.

Sak uwis e maem, kabeh diparingi berkat lan mantuk balek neng Tulungagung.